2005東京充電之旅

購買惠比壽至橫濱區內自由 乘車券 (¥750)

今日 o 既行程終於冇咁趕，我 o 地係酒店食 o 左佢免費麵包早餐，雖然免費，但係都有大概十五款 o 既麵包任揀，而且仲有多士爐俾你烘熱 o 的包，另外亦有兩部飲品機同一部凍飲機，可以揀咖啡、朱古力、綠茶、奶茶、凍咖啡同各種汽水，真係唔馬虎，而且 o 的包都唔差，幾好食。

JR 池袋 > JR 惠比壽 ( 山手線 / 埼京線, 13 -17m ins , ¥160) > 惠比壽啤酒博物館 ( 步行 )

食完 o 野之後我 o 地就去 JR 綠窗買由惠比壽至橫濱區間自由乘車券，然後就搭車去惠比壽，惠比壽花園廣場一帶環境好清幽同寧靜，我 o 地去 o 左惠比壽啤酒博物館，個館唔係好大，我 o 地睇完館內 o 既資料之後，就去 o 左用 400yen 試 o 左 4 杯唔同 o 既啤酒， 4 杯口感同味道都唔錯 o 架！

惠比壽 > JR 橫濱 (JR 湘南新宿線特別快速, 22mins) > JR 新杉田 (JR 京濱東北線快速, 17mins) > 鳥濱 ( 橫濱新都市交通【金澤八景】, 4mins , ¥250) > Bayside Marina Outlet ( 步行 ) > JR 櫻木町 ( 橫濱新都市交通, 5mins , ¥250 , 轉 JR 京濱東北線, 14mins) > 紅磚倉庫 ( 步行 15mins) > JR 池袋 ( 乘 JR 京濱東北線至「橫濱」站轉 JR 湘南新宿線特別快速, 43mins , 補 ¥160)

離開惠比壽之後，我 o 地就搭湘南新宿線去橫濱，然後就去 Bayside Marina Outlet ，去到 outlet 之後我 o 地就開始 shopping ，不過有 o 的我喜歡 o 既舖頭已經冇 o 左，所以我都唔係買到好多 o 野，不過都係有收獲 o 既。行完 outlet 之後我 o 地就搭車去櫻木町，然後就沿行車道行去紅磚倉庫，係紅磚倉庫行 o 左一陣，其實唔係好特別，不過就好多年青人行。行完之後我 o 地就返去櫻木町再搭車返去池袋，返到池袋之後就去 o 左 Sunshine City 行 o 下， Sunshine City 真係好大，我 o 地去到都差唔多 8 點， o 的舖頭就開始關門，於是我 o 地就去 o 左西武行 o 左一陣，再去東武 o 既 Godiva 買雪糕食，跟住就去松屋食飯，食完飯之後就返酒店。

第五日