Make your own free website on Tripod.com

2005東京充電之旅

2005610日 (星期五) 雨天 池袋 > 秋葉原 > 合羽橋道具街 > 上野 > 人形町 > 六本木 > 麻布十番 > 池袋

購買營團一日乘車卷 (¥710)

JR 池袋 > JR 秋葉原 ( 山手線, 19 mins , ¥190 或乘營團丸之內線至「淡路町」站, 12mins , ¥190) > 交通博物館 (3 mins) 、會館 ( 步行 )

今朝起身食完早餐之後就 check-out ,然後就行去北口 o 既 Super City Hotel 放低 o 的行李就出發去秋葉原,第一站我 o 地就去 o 左交通博物館。交通博物館展示 o 左好多火車 o 既模型及實體,而且仲有得玩模擬火車遊戲,而 2 樓至 4 樓分別都有車、飛機及船 o 既展示館,好得意,係一個幾豐富 o 既博物館。行完博物館之後,我 o 地就去 o 左秋葉原行,因為落雨,攪到對腳濕晒,冇晒心機行。我 o 地去 o 左一 o 的扭蛋同食玩舖行,但係就搵唔到之前朋友話有間賣舊 sanrio 精品 o 既地方,所以都幾失望。行完之後我 o 地就係車站附近 o 既天丼食飯,真係又平又好食。


秋葉原 > 合羽橋道具街
( 乘營團日比谷線到「上野」站轉營團銀座線「田原町」站下車徒步 5 mins, 6 mins , ¥160) > 上野 ( 營團銀座線, 3 mins , ¥160) > 人形町 ( 仲御徒町站乘?團日比谷線, 5 mins , ¥160)

行完秋葉原之後,我 o 地就出發去田原町 o 既合羽橋道具街,道具街真係有好多間舖頭,我就主攻買o的整蛋糕o既用具,雖然價錢唔係好平,有 o 的仲貴過係香港買,不過有 o 的用具香港係冇 o 既,所以我都有 o 的收獲。

離開道具街之後,我 o 地就出發去上野,到達上野之後我 o 地就行阿美橫丁,因為落雨所以冇乜人, o 的海鮮舖都好冷清,我 o 地去 o 左二木之果子買 o 左 o 的手信,然後就去多慶屋行 o 下。行完之後,我 o 地就行去仲御徙町站搭車去人形町,人形町 o 既特別之處就係甘酒橫丁,甘酒橫町係一個好舒服 o 既休閒區,而且 o 的店舖都幾古舊,好有下町傳統 feel ,我 o 地去 o 左雙葉食佢 o 既豆腐、豆腐布丁同冬甩,個冬甩真係好好食,只係 100yen ,另外個布丁亦好香豆腐味,簡直係 yummy yummy ,最特別係個豆腐,我從來未試過食豆腐食到好似食肉咁,我終於試到喇,難怪食齋 o 既人或者和尚都好少食用黃豆做 o 既齋啦,原來真係好似食緊肉,有陣肉味。做到食豆腐好似食肉咁,係要好足料,唔係光靠石灰粉凝固 o 架!因為落雨,食完小食之後我 o 地就行 o 左一陣,跟住就離開 o 左人形町。


人形町 >
六本木 (  營團日比谷線, 18 mins , ¥190) > 麻布十番 ( 步行 ) > 池袋 ( 乘營團南北線至「 市?谷」轉營團有樂町線, 25 mins , ¥190)

我 o 地下一站就去六本木,因為落雨冇乜心情所以我 o 地行 o 左一陣就離開,沿途都見到六本木特有 o 既 Designer Chair ,我 o 地沿路就去 o 左麻布十番,麻布十番都係一個好寧靜 o 既地方,而我就有意外收獲,我 o 地經過一間賣牛革袋 o 既舖頭,見到佢門口有 o 的袋擺出 o 黎,都唔錯,只係 5,250yen ,咁我就入 o 左佢睇,不過入面 o 個 o 的袋就過萬 yen 以上,有 o 的仲好貴添,可能出面 o 個 o 的係促銷啦,所以我就買 o 左個 5,250yen o 既袋,手工同質地真係好好 o 架,就算咁平都唔係差 o 野,所以好開心!離開 o 左麻布十番之後,我 o 地就返去池袋,然後去西武 o 既 Pastel 買 o 左個布丁同 mousse 布丁,因為之前係香港買日本雜誌見到佢 o 既廣告,一直都想試,買完之後我 o 地就去 o 左大戶屋食飯,我 o 地叫 o 左個雞之炭火燒同燒魚定食,真係好好食,始終大戶屋都係我 o 地至愛。食完 o 野之後我 o 地就返酒店。返到酒店之後我 o 地就食布丁,真係超好食,同平時買百多 yen o 個 o 的布丁真係唔同 o 的,又香又滑真係正。


第四日