2005東京充電之旅

購買營團一日乘車卷 (¥710)

池袋 > 川越市站 ( 東武東上本線急行, 35 mins , ¥450) > 果子屋橫丁 ( 步行 ) > 池袋 ( 東武東上本線急行, 35 mins, ¥450)

今朝一早起身就落係酒店食早餐，個早餐比起 Vintage 就失色 o 左 o 的， Vintage 豐富 o 的，不過冇乜所謂啦！食完早餐之後，我 o 地就搭車去川越市站，然後係出站行去果子屋橫丁，沿途我 o 地都有睇寺廟、時之鐘同埋藏造之資料館參觀，原來果 子屋橫丁係好細 o 架 o 乍，不過都幾有特色。川越呢個小江戶區真係好靚，仲保持到古舊 o 既面貌，確實係一個好地方。 行完果子屋橫丁之後，我 o 地就去 o 左時之鐘附近一間叫壽庵 o 既舖頭食抹茶麵同烏冬，非常之好食。食完飯之後我 o 地就搭巴士去川越站，係附近個商場行 o 左一陣，都買 o 左 o 的 o 野，然後就搭車返池袋。

池袋 > 新木場站 ( 營團有樂町線, 32 mins , ¥230) > JR 海濱幕張 (JR 京葉線快速, 23 mins , ¥380) > Garden Walk Outlet ( 步行 ) > 銀座 ( JR 京葉線快速至「新木場」站轉營團有?町線, 33 mins, ¥570) > 月島 ( 有樂町站乘營團有?町線, 5 mins , ¥160) > 池袋 ( 東京營團有?町線, ¥230)

到達池袋之後，我 o 地就出發去 Garden Walk Outlet ，經過差唔多一個鐘 o 既車程之後，我 o 地就到達 o 左 Garden Walk Outlet ，一入去就見到 Agnes b ，聽朋友講會有袋賣，但係就只係得返衫賣，一個袋都唔見 o 下，只係係隔離 Sazaby 見到 o 的女裝袋 o 乍，雖然 Garden Walk Outlet 唔係好大，不過我都有收獲，而且選擇都幾多。行完 Outlet 之後，我 o 地就去 o 左隔離個商場行 o 下，見到有間 100yen 店，就入去買 o 左 o 的 o 野就搭車走。

我 o 地原本 plan o 左下一站係去月島，不過橫掂都買 o 左個 pass ，所以就去 o 左銀座行 o 下。銀座真係幾繁榮同埋高尚，好多名店同靚女 OL ，同行香港 o 既金鐘中環冇分別。我 o 地沿途逛逛，然後行 o 左去 Blue Label ，而家 Blue Label 冇 o 左水餃袋， o 的袋又貴，個個都成 20,000yen ，連我呢個 Blue Label 迷終於都冇買袋。行完 Blue Label 之後原來發覺已經係新橋站附近，跟住我 o 地就行返去有樂町站，原來都幾遠，不過當係行 o 下啦。之後我 o 地就去 o 左月島喇。

到 o 左月島，我 o 地見有好多唔同 o 既月島文字燒 o 既舖頭，行 o 左一陴就去 o 左我 o 地有 print coupon o 既舖頭 ─ 海鮮文字燒片岡店，我俾 o 左張 coupon 佢，佢就俾 o 左一杯巨峰 cocktail 我，另外原來張 coupon 仲送一客魷魚 o 架，我 o 地叫 o 左佢個招牌「片岡 Special 」同豚肉燒，跟住就自己動手製作，雖然好熱，不過好好玩。原來文字燒同大阪及廣島燒唔同，係比較濕同好似?哩咁，好得意，最重要係自己可以玩同加料。食完 o 野之後我 o 地就好滿足咁搭車返酒店。

第三日