Make your own free website on Tripod.com

2005東京充電之旅

200568日 (星期三) 晴天 香港 > 成田機場 > 日墓里 > 涉谷 > 池袋

好興奮呀!期待的日本之旅又開始,雖然今次目的地都只係東京,但係我都已經好開心喇!

香港 > 成田機場Terminal 2 > 京成日暮里站 ( 京成電鐵, 70 mins, ¥1,000)

今朝一早起身搭機場巴士去機場 check-in ,然後就去 o 左大家樂食早餐,食完早餐之後就入閘,係閘內行o 左一陣就準備上機。今日搭 o 既 ANA 機屬於中型機,以前有獨立電視,但呢班機就冇,所以有 o 的失望。起飛o 左 2 個鐘左右就開始食飛機餐,今日有雜菜螺絲粉或者係點心拼盆,兩樣都好好味!大概 4 個鐘機,我 o 地就到達成田機場,一出閘我 o 地首先去o 左 ANA 個 counter度 o 羅預先訂o 左o 既電話,搭 ANA 機 o 既乘客免租機錢,真係好正,打返香港都係90yen一分鐘,聽電話又唔駛錢, send e.mail 每個都係 10yen o 乍。拎o 左電話之後我o 地就去搭京成電鐵去日墓里站。

日墓里站 >Canvas Factory ( 步行 ) > JR 池袋 ( 山手線, 13 mins, ¥160)

到 o 左日墓里站之後,我 o 地首先就去搵我 o 地之前 search o 左 o 既一間帆布袋製作所 (Canvas Factory) 睇 o 下,點之原來距離日墓里站都幾遠,去到 o 既時候先知原來唔係零售舖,大家雞同鴨講一論,茂木先生就帶我 o 地行 o 下佢個工場,介紹 o 下佢 o 的帆布袋點免濕水,之後仲送 o 左個袋俾我 o 地做紀念,雖然好唔好意思,但我 o 地真係好感動,雖然大家都唔明大家講乜,不過都盡量同我 o 地傾偈,日本人都係好好,好有耐性。另外,我 o 地發覺原來日墓里中央通係「布之街」,沿路有好多零售同批發布店,有好多好靚 o 既布同配飾,簡直係意外收獲,如果有機會我下次一定會再 o 黎。

池袋 > JR 涉谷 ( 山手線 / 埼京線, 11 -16 mins , ¥160) > JR 池袋 ( 山手線 / 埼京線, 11 -16 mins , ¥160)

離開 o 左 Canvas Factory 之後,我 o 地就搭車去池袋 Hotel Theatre check-in ,雖然個房都係細,但空間大過 Vintage ,而且地點非常方便,我 o 地都覺得 ok 。放低晒 o 的行李之後,我 o 地就搭車去涉谷行 o 下。行完之後就去 o 左築地壽司店食迴轉壽司,食完之後我 o 地就再行一陣,跟住就去 o 左土間土間居酒家,因為係山手線見到 8/6-12/6 指定食物有半價,所以我 o 地就去 o 左體驗 o 下,原來居酒屋真係後生仔 o 既天地,入到去全部都係好後生,我 o 地叫 o 左 195yen 生啤,一杯巨峰同一杯牛幼 cocktail( 各 140yen) , 245yen pizza 同埋 225yen 獅子狗。我最鍾意個獅子狗裡面夾 o 左明太子同另外 o 既芝士,都係好好味,芝士獅子狗 o 的芝士係溶 o 既,好正!我 o 地慢慢嘆完之後就搭車返去酒店休息喇。

第二日