參觀完牛車水原貌館之後，我 o 地就係附近行 o 左一陣，跟住就去 o 左荷蘭村 XO 魚頭米粉酒樓食 XO 魚頭米粉。個米粉真係好香，有少少 XO 味。另外，我 o 地亦叫 o 左一碟炸魚球，非常不俗 o 既小食。食完 o 野之後，我 o 地去 o 左馮滿記買藥油，然後去 o 左附近 o 既 China Town Complex ，係一座 Food Court 加街市 o 既地方，我 o 地係街市一檔舖頭內買 o 左好多咖哩粉同醬，有一包包，亦有由老板自己調製，我 o 地每樣都買 o 左 o 的。買完 o 野之後，我 o 地就離開 o 左牛車水。我 o 地步行 10-15 分鐘左右去到亞坤早餐，為的是試 o 下佢 o 地好出名 o 既咖央多士，雖然我 o 地好飽，嘆唔到佢 o 地 o 既早餐，但係我 o 地都外賣 o 左佢 o 地個多士，真係好味到不得了，件多士係炭燒 o 既，加埋咖央醬真係好完美。我咁大個女都未食過咁好味 o 既多士，我 o 地一路行一路食，然後就行到去 Raffles Place Station 搭 MRT 返去 Dhoby Ghaut Station 。

落車之後我 o 地就去 o 左 Plaza Shingapora 間家樂福買 o 左 o 的咖喱醬同焗爐用朱古力粒粒，跟住返酒店放低晒 o 的 o 野又再出動。放低 o 的 o 野之後，我 o 地就開始行 Orchard Road 。 Orchard Road 真係新加坡 o 既命脈，係最繁榮 o 既地方。沿途行 o 左好多商場，包括 Orchard Point 、 Centrepoint 、 The Heeren 、 Paragon 、 Ngee Ann City 、 Orchard Shopping Centre 等等。我本人最喜歡係 The Heeren ，雖然唔係好，但就好多細 Bontique ，好有特色同幾靚。行完 Orchard Road 都差唔多 6-7 點，我 o 地又去 o 左 join Elaine 去食 o 野，我 o 地去 o 左一間叫 The Rice Table 食印尼 Buffet ，原本諗住去 International Building o 個間，因為 Elaine 話好食 o 的，但係去到 o 既時候已經冇位，所以我 o 地唯有行返去係 Orchard Point o 個間。個 Buffet 都縛抵 o 架，每人 S.18.8 ，又多 o 野食，又唔駛同人爭，只要你叫邊樣，個 Waiter 就拎俾你，每碟食物都好細碟，唔驚食唔晒，又可以試多 o 的唔同款式，真係唔錯。食完飯之後，我 o 地同 Elaine 行 o 左一陣，我 o 地行到一間位於 Orchard Road 街上一檔叫老曾記 o 既舖頭， Elaine 就買 o 左一隻好似手掌咁大 o 既咖哩角俾我 o 地食，不過因為我 o 地好飽，所以冇食住。行完之後，我 o 地就返酒店執行李準備聽日離開。