今日天氣都係麻麻地，成日都落雨，加上病病地，所以玩得唔係咁盡興。

今朝一早去泳池遊水，然後先去食 Buffet 。食完早餐之後就出發搭 MRT 去 Harnour Font 站再轉搭聖陶沙 Shuttle Bus 去聖陶沙，可能因為落雨 o 既關係，所以唔係好多人。我 o 地落 o 左車之後就去買 o 左聖陶沙 o 既 package ，跟住就開始聖陶沙之旅喇！

我 o 地首先去 o 左搭聖陶沙島內 o 既 Train 去海底世界，然後行西樂索炮台、再去萬象新加坡、蝴蝶園及昆蟲館、魚尾獅塔、西樂索海灘、睇埋動物表演，跟住就返去接待中心 o 既 Delifrance 食埋個 lunch( 係個 package 包埋 ) ，食完之後就坐車離開喇！

離開聖陶沙之後我 o 地就搭 MRT 到 Little India 站，行 o 下小印度。我 o 地首先去 o 左 Food Court 搵食，我 o 地叫 o 左 1 杯馬沙拉茶同 1 杯薑茶、印度薄餅、沙律，係香港食 o 既印度薄餅好油，但係度食印度薄餅係冇咁油，而且拌薄餅 o 既咖哩汁真係好好味，好香，個薯仔好腍，食落好似薯蓉咁。馬沙拉茶同薑茶都好好飲，茶味好香。薑茶亦即係奶茶加薑汁，出奇地好飲。食完 o 野之後我 o 地就行 o 下小印度內 o 既舖頭，買 o 左 o 的印度手鐲。

行完小印度後，我 o 地就步行去到 Bugis Village Food Centre 食加東叻沙同埋試 o 左隔離 o 個檔鹵麵。係新加坡食到 o 既叻沙真係同香港好唔同，佢 o 地好鍾意將 o 的米粉切碎，然後用匙羹連湯一齊食，非常特別又好好味。食完 o 野之後我 o 地就去行 Shoopping Centre 。 Bugis Village 旁邊仲有兩個商場，包括 Parco 同 Seiyu 。得閒 o 既話都可以行 o 下。