Make your own free website on Tripod.com

2003關西賞櫻之旅

 

事隔唔夠一年o既時間,真係估唔到我又會再去日本,其實因為有年假,又唔知去邊好,又諗起網友上年去賞櫻真係好靚好開心,實在太羨慕喇!所以把心一橫去日本賞櫻。

其實初時都有諗過係咪唔應該去旅行呢,因為到我決定o左去時,訂晒package,肺炎就出現喇!一時又話飛機會感染,一時又話香港會變疫埠,一時又話日本唔俾入境,真係好驚去唔成,搞到我成日都o訓唔著,肺炎嚴重時旅行團又取消,搞到我都有諗住取消是次日本之旅。不過到最後假又o羅o左,o野有搞掂晒,心諗唔去會唔甘心,所以都係決定如期出發。

好在到最後都可以如期出發,如果唔係就唔會有一個咁開心o既賞櫻之旅,不過今次個旅程都唔平呀!我o地join o左ANA Sky Holiday住大阪第一酒店,不過因為去大阪o既機票只能得7日有效期,所以我o地去10日就要加$1,000,所以都好貴,不過開心係無價唔理得咁多喇!

出發前fixed cost:

ANA Package
$5170
稅項
$343
JR Pass
$1,719

今次旅程如主題一樣係去關西賞櫻,不過我去o既時候已經係尾水,但係都仲係好正好靚,因為櫻花飄落o既情景仲靚過盛放o既時候,有o的櫻花叫風吹雪,o的風一吹o的櫻花真係好似落雪咁飄落地下,特別係o係哲學之道,成條哲學之道都係櫻花,我真係成個人開心到呆o左,靚到不得了呀!另外我就係去和歌山,因為99年o既時候去旅遊展收到關於介紹和歌山o既booklet,所以已經好想去,但係去o左兩次日本都未去過,所以今次決定要去一趟。想分享我o既2003關西賞櫻之旅,快o的進入啦!

進 入