Make your own free website on Tripod.com

2003關西賞櫻之旅

2003419日 (星期六) 陰天、雨天 大阪 > 法隆寺 > 天王寺 > Rinku Premium Outlet > 心齋橋 > 大阪

JR大阪站 > JR大和路快速(普通車自由席)JR法隆寺站(JR Pass) > 乘巴士至法隆寺(¥170)

今日就可以遲o的先起身,原來諗住去奈良,但係經過考慮之後就放棄o左,因為我o地睇得太多寺、廟等,而且人有極限,唔想太趕所以決定剩係去法隆寺。我o地係EST-1附近見到有麥當勞就入去食個早餐先去JR大阪站搭大和路快速去JR法隆寺站。到o左JR法隆寺站,我o地就去搭巴士去法隆寺站,到o左法隆寺我o地就去參觀,入場費要成¥1,000,好貴但可以參觀三個館!法隆寺係世界遺產就冇計啦,不過原來入面真係好多o野睇,睇到累又口渴o既話又有無料休息室俾你休息o下嘆o下茶。行完三個館之後我o地就搭巴士返車站,其實法隆寺一帶真係好舒服,好清靜,值得一到。

法隆寺 > 乘巴士至JR法隆寺站(¥170) > JR大和路快速(普通車自由席)至天王寺站(JR Pass) > JR關空特急至關西空港站(指定席,JR Pass) > JR關空怏速至JR Rinku Town(自由席,JR Pass)

返到車站我o地就搭車返去JR天王寺站,然後就係車站附近行o左一陣,買o左o的Fancl同麵包就搭關空特急列車去關西空港站,順道去ANA Counterre-confirm機位,點知個小姐話ANA唔駛re-confirm機位o架,之後就行o下機場,因為星期一早機驚趕唔切,所以睇家有乜買就可以重點出擊,原來機場有好多手信賣,所以我唔待駛特登返去新大阪站買。行完之後我o地就去下一站─Rinku Premium Outlet。到o左Rinku Town站就發覺落大雨,我o地又冇帶遮,唯有係便利店買o左一把,跟住就行去OutletRinku Premium Outlet主要賣o既以係女仕為主,而且真係幾高檔,而我會主攻日本牌子。不過執唔執到平o野就睇你細唔細心,我就執到幾件喇!但Rinku Premium Outlet始終唔算好大,相比橫濱o既Bayside Outlet就遜色好多喇!行完之後都7點幾,我o地就係foodcourt食晚餐,都幾多o野種類而且價錢相宜,我就食o左個咖哩飯,男朋友就食蛋包飯。

JR Rinku Town > JR關空怏速至天王寺站(自由席,不須出閘於對面月台轉車) > JR關西本線至JR難波站(自由席,JR Pass) > 步行10mins至心齋橋 > JR難波站 > JR大阪環狀線至JR大阪站(自由席,JR Pass)

食完晚飯之後就搭車去心齋橋行,今次主要你行地下街跟住先返上去行¥100同¥99店,買o左o的o野就搭車返酒店休息。