2003關西賞櫻之旅

2003年4月18日 (星期五) 晴天

白濱 > 那智瀑布 > 三重塔 > 飛瀧神社 > 熊野古道 > 心齋橋 > 大阪

湯崎館 > 明光巴士至JR白濱站(¥380) > JR特急至JR紀伊勝蒲站(指定席，JR Pass) > 熊野交通那智山行至淹前 (1日pass，¥1,000) > 那智瀑布 > 步行10分鐘至三重塔 > 步行5分鐘至飛瀧神社 > 步行10分鐘至熊野古道 > 熊野交通勝蒲站行至JR紀伊勝蒲站(1日pass)

今朝一早起身為o既唔係走，係去浸多一次溫泉而已，真係一生一大o既享受。浸完之後大約8點我o地返房享用早餐喇！食完豐富o既早餐之後我o地就搭9:04班車返去JR白濱站，搭10:08班車去紀伊勝蒲，車程都差唔多兩個鐘，但沿途風景優美，特別經過串本等地有奇型怪石o既地方時架車就駛慢o的俾乘客欣賞風景，所以時間過得好快。到o左JR紀伊勝蒲站就去巴士站買o左個¥1,000 o既一日Pass(剩係由車站去到那智瀑布都¥600，計落係有著數)，跟住我o地就將所有行李放晒係巴士站個Locker度，然後就輕輕鬆鬆上車去。大約25分鐘我o地就到o左那智瀑布，那智瀑布真係幾靚，影o左幾張相之後我o地就沿指示行上山去三重塔，好在唔駛o羅行李，如果唔係上山就辛苦死。上到三重塔再望返去那智瀑布原來真係好靚。跟住我o地就沿直路行去那智大社，幾座大社都好紅，好sharp，然後我o地就沿表參道落返去神社前巴士站，沿途有好多賣紀念品o既店舖，我o地都買o左少少啦！跟住就沿車站路進入熊野古道大門'阪'，沿途冇乜人行，o的樹好高好大，條古道真係好有味道，古道裏面更有一棵800年樹齡o既樹添。大約行o左20-30分鐘我o地就行完去返大門坡入口，跟住我o地就度等車返去JR紀伊勝蒲站。

JR紀伊勝蒲站至JR天至寺站(指定席，JR Pass) > JR東海道本線至JR難波站(自由席，JR Pass) > 心齋橋 > JR難波站 > JR環狀線至JR大阪站(自由席，JR Pass)

返到車站之後就係附近買便當，原本想買有鯨魚肉o既便當，點知又賣晒，咁就是但買o左兩個，然後就上車返大阪，車程要成3個半鐘左右，所以上到車食便當後就開始o訓覺喇！大約7點左右就到o左JR天至寺站，我o地決定落車去心齋橋行，係心齋橋同美國村行o左約2個鐘，我o地就去o左四天王食拉麵，然後就返Hotel Kinki休息。