2002日本之旅
日本已經是第二次去了，99年第一次係幾個朋友一齊去十日，因為考完AL，所以都算係畢業旅行啦，而這次旅行更係我o既第一次自助旅行，自此之後，我便愛上了自助旅行。其實點解我o地會膽粗粗咁去日本，日文又唔識，又係第一次唔跟團，是因為有一位同學兼好朋友o既daddy係日本做事，所以我o地就同膽粗粗跟佢去喇！原本諗住去埋大阪等地，但係時間唔夠加上只有我同另個女仔兩個想去，始終都係第一次去，所以都係唔敢而擱置o左。
而第二次去日本就係今年2002年5月啦！原本都係冇諗住去，因為今年大學畢業想去歐洲，不過冇人陪我去，想去o既上年已經去o左，唔通自己一個人去咩，係冇人陪o既情況下，就搵埋男朋友陪，所以兜兜轉轉，又再去日本，其實我真係好鍾意日本o架，o的日本人又有禮貌又肯幫人，日本地方又靚又平靜，係好好o既度假地方。今次日本之旅就滿足晒我以前想去但冇去o既地方之餘，亦參考o左各網友o既行程，去o左一o的好正o既地方，15日係冇白費，不過換來o既係非常之攰，一日行足十多個鐘，由朝到晚，不過都係值得o既。
今次去日本聰明o左，上網搵o左好多資料先起行，好在有一o的網站資料詳盡，所以我係計劃行程當中舒服好多，不過越睇越上癮。
快o的進入Candy 2002日本之旅啦！
| 17/5/2002 (星期五) | 香港 > 東京 > 新宿 | 新宿Vintage |
| 18/5/2002 (星期六) | 新宿 > 三鷹之森美術館 >下北澤 > 涉谷 > 新宿 | 新宿Vintage |
| 19/5/2002 (星期日) | 新宿 > Yokohama Bayside Outlet > 中華街 > 港區未來二十一 > 新宿 | 新宿Vintage |
| 20/5/2002 (星期一) | 新宿 > 大阪 > 大阪城 > 心齋橋 > 梅田中津 | 梅田中津東橫Inn |
| 21/5/2002 (星期二) | 中津 > 環球影城 > 美國村 > 心齋橋 > 中津 | 梅田中津東橫Inn |
| 22/5/2002 (星期三) | 中津 > 姬路城 > 神戶 > 梅田 > 中津 | 梅田中津東橫Inn |
| 23/5/2002 (星期四) | 中津 > 京都清水寺 > 八'土反'神社 > 祇園 > 二條城 > 哲學之道 > 錦市場 > 東京 | 夜巴 |
| 24/5/2002 (星期五) | 東京 > 郡山 > 磐梯熱海溫泉 > 五色沼 > 紅葉館溫泉 | 紅葉館 |
| 25/5/2002 (星期六) | 磐梯熱海 > 東京 > 鎌倉 > 新橫濱拉麵博物館 > 巢鴨 | 東京小套房 |
| 26/5/2002 (星期日) | 巢鴨 > 原宿 > 池袋 > 巢鴨 | 東京小套房 |
| 27/5/2002 (星期一) | 巢鴨 > 東京迪士尼 > 巢鴨 | 東京小套房 |
| 28/5/2002 (星期二) | 巢鴨 > 靖國神社 > 中野 > 池袋 > 巢鴨 | 東京小套房 |
| 29/5/2002 (星期三) | 巢鴨 > 築地場外市場 > 自由之丘 > 涉谷 > 巢鴨 | 東京小套房 |
| 30/5/2002 (星期四) | 巢鴨 > 淺草玩具資料館 > 淺草雷門 > 咸蛋超人俱樂部 > 藏前至淺草橋 > 上野 > 巢鴨 | 東京小套房 |
| 31/5/2002 (星期五) | 巢鴨 > 成田機場 > 香港 |