Make your own free website on Tripod.com

2002日本之旅

2002521日 (星期二) 晴天 中津 > 環球影城 > 美國村 > 心齋橋 > 中津


大阪站 > JR 環狀線至西九'條'站(JR Pass) > JR櫻島線至University City(JR Pass)

今日比較簡單,就係去環球影城。因之前已經係JR Ticket Centre買o左Pass,所以去到環球影城之後就可以直接入場。我o地約9:00左右去到,已經開o左場,但今日其實唔係好多人,不過學生好多(其實日日去到邊都係學生,原來係佢o地春季遠足,不過真係比較煩,佢o地好嘈)。入到去我o地當然主攻各大有fast pass o既遊戲,但因為唔係太多人,我o地都排o左一陣就可以玩,所以我o地都冇o羅fast pass就可以玩晒遊樂區o既遊戲。極力推薦當然係Jaws、Jurassic Park、Terminator 2、Water World、Snoopy所有遊戲及館、仲有開台好悶但後尾好堅o既Backdraft。中午我o地去o左Snoopy餐廳食o左個Snoopy box set,內埵酗@個漢堡包、一客薯條、一客布丁、一客沙律,同最重要係一個Snoopy巴士o既箱,所以要賣1,260 yen,不過個箱都唔錯o架。因為唔駛點排隊,所以我o地大約4:00p.m.左右玩晒o的主要遊戲就走。

JR櫻島線至西九'條'站(JR Pass) > JR環狀線至JR難波站(JR Pass) > 美國村及心齋橋(步行約10-15分鐘)

到o左美國村,發覺美國村都幾有特色,所以都行得好開心,想係Paul Frank買件tee,不過鍾意o個個款o的色唔靚,最後都冇買,我o地又係一間街邊賣愛好燒o既鋪仔買o左個燒餅,只係180 yen,當然冇尋日o個o的咁好食啦,佢係燒得冇咁熟,但用料絕不馬虎,別有一番風味。行完美國村,我o地又返道頓堀及心齋橋附近行,之後就去o左金龍拉麵食麵,不過坐tatami真係唔係好舒服,但味道唔錯,金龍o的湯比較濃,但我比較喜歡神座,雖然湯底冇金龍咁好,但係麵條較好味。食完麵之後我o地就返o左酒店休息喇!