Make your own free website on Tripod.com

2002日本之旅

2002530日 (星期四) 晴天 巢鴨 > 淺草玩具資料館 > 淺草雷門 > 咸蛋超人俱樂部 > 藏前至淺草橋 > 上野 > 巢鴨

巢鴨 > 都營三田線至春日站 > 轉都營大江戶線至藏前站 > 再轉都營淺草線至淺草站(全程210 yen) > 淺草松屋站乘南千往行乙巴士

聽日就返香港,所以今日主要係購物日,不過我o地都有好多地方要去。一早去到淺草之後,我o地就去o左Tourist Information Centre問o下日本玩具資料館o既位置,確定o左之後我o地就出發去,其實都幾偏僻,上到去一個人都冇呀!剩係得我o地兩個人,不過都幾多舊玩具,但係只能夠齋睇,不過我都搵到我喜愛o既阿Sam,仲有大鐵人17號o既足跡。行完資料館後,我o地就返去行雷門、淺草寺,順道就買o的手信,之後當然行埋仲世見商業街,沿商業街行就會到達ROX商場,我o地主要係去咸蛋超人俱樂部,雖然地方唔算好大,不過都幾正!

淺草站 > 都營淺草線至藏前站(170 yen) > 步行至淺草橋

去完淺草,我o地就落o左去藏前玩具批發街行,真係好多玩具批發店,可謂大開眼界,不過零售就免問喇!沿藏前一直行到去淺草橋都係批發店舖,於淺草橋為止。

淺草橋站 > 總武線至秋葉原站再轉山手線至上野站(130 yen)

去上野o既目的當然就係去阿美橫丁行o下啦,對上一次o黎日本自己一個人行就好開心,不過真係好多人,水洩不通。但係今次就好o的,人並唔係好多,行得好舒服,我o地就去返上次我幫襯過o個間舖頭買帆立貝等手信,買完o野我o地就滿載而歸返巢鴨。我o地就再去超市買長腳蟹返民宿食,爭取最後一晚食長腳蟹。