Make your own free website on Tripod.com

2002日本之旅

2002529日 (星期三) 晴天 巢鴨 > 築地場外市場 > 自由之丘 > 涉谷 > 巢鴨


巢鴨 > 都營三田線至日比谷站再轉營團日比谷線至築地站(260 yen) > 築地場外市場(步行約5分鐘)

今朝一早起身就立即出發去築地漁市場,去到漁市場真係好熱鬧,好多遊客,我o地當然就好想試o下新鮮o既刺身啦!不過我o地見o的壽司店都幾貴,所以都係四周圍行o下就算啦,不過我o地最後係一間剩係賣toro o既攤檔用3,000買o左一份toro,我o地就問佢可唔可以即場切,佢切完之後就去o左後面o個間壽司店借o的wasabi俾我o地食,真係好正好新鮮,不過就好凍!行完築地市場之後,仍然好早,所以我o地就去o左附近間麥當奴坐o下,食少少o野先走。跟住我o地去到地鐵站對面原來有間築地本願寺,我o地就入o左去行o下,本願寺都幾西化o架!

築地站 > 營團日比谷線至中目黑站再轉東急東橫線至自由之丘站(340 yen)

自由之丘俾我o地o既感覺都幾舒服,好簡撲得o黎但好有style,我o地去到位於Sanrio Vivitix對面一間玩具店,專賣模型等玩具,老板娘丈夫係中國人,所以佢見我o地都係中國人都有講有笑,亦免我o地買o野o既稅,真係好人。因為時間較早,有部份店舖仍未開,不過我o地都行o左好多好特別o既店舖,中午o既時候我o地就去o左一間叫 RAKERU o既食店食蛋包飯,都唔算平,味道就ok啦,但係對住街景食都幾舒服!

食完飯之後,我o地就搭車去返涉谷,因為上次都冇正式行過涉谷,我o地行o左好多地方,100 ,因為上次都冇正式行過涉谷,我o地行o左好多地方,100 Yen店、激安店等等。到o左大約6:00左右,我o地就去o左迴轉壽司築地本店食壽司,我o地食o左好多toro,真係好開心!