巢鴨 > 都營三田線至神保町站再轉都營新宿線至九段下站(210 yen) > 靖國神社(步行約5分鐘)

今日好晏先起身，中午o既時候就去o左大戶屋食晏。食完之後我o地就出發去靖國神社，心情方面好似有少少去踩場咁，好攪笑。參觀靖國神社唔係好多，只得小貓三四隻，不過真係好莊嚴，沿途行入去o既時候係可以睇到有牌寫著就算連首相等高級人物都要落車行路入去靖國神社，係神社面前係冇任何架子可言，而且神社內o既人員都穿著傳統o既和服，氣氛好嚴肅！我o地四週行過之後就去o左買一塊祈福牌，個個人都係祈求考試成績等，而我o地就係牌上寫o左o的希望中國能夠光大中華，算係為我o地中國人出一口氣吧！掛完祈福牌之後我o地就離開靖國神社。

九段下站 > 營團東西線至中野站(190 yen)

o黎中野o既原因就係為o左睇玩具同搵玩具啦！因為我想搵Sanrio�堶惜@隻character ─ 阿Sam，但係講真係日本好難搵到舊o既Sanrio精品。中野真係有幾多玩具專門店，特別係模型、漫畫、機械人特別多，令人大開眼界，雖然最後只係買o左兩三樣o野，我想買o既就搵唔到，不過都好開心。

中野站 > 中央線至新宿站再轉山手線至池袋站(160 yen) > 山手線至巢鴨站(130 yen)

去完中野之後，時間尚早，所以我o地又返去池袋行。去到池袋，我o地就去o左南口附近，經過UNIQLO池袋o既旗艦店，當然入去行o下啦，行完之後我o地就去o左附近食有名o既山頭火拉麵，佢有三種湯底，醬油、日本豉油同麵豉(都係個店員係哈爾濱留學生所以我o地先知)，湯底屬於濃o既一族，叉燒雖然都幾肥，但係好好味，我本人就覺得山頭火o既拉麵比起神座同金龍o既還要好。食完之後我o地懷著好滿足o既心情去返西武行，都差唔多7:30我o地就落返超市一間專賣河豚o既地方買o左一盆河豚刺身。然後係離開之前，我o地發現Godiva係日本有出朱古力味o既雪糕，以我係佢o既擁戴者，我必然會買o黎試o下，新出o既朱古力味內有心型朱古力o既雪糕可以試食，我o地既然試過，當然唔會買啦(因為已經試過)，所以我o地就係純白朱古力同純朱古力中揀o左純朱古力味，三款雪糕都係分別賣1,000 yen，絕對試得過！

返到民宿之後，我o地就開始品嘗河豚同雪糕。河豚方面，o的肉冇乜特別，同魷魚肉差唔多，而皮方面就唔錯，好爽脆，整體上係冇乜特別，好在係大阪冇用好貴o既價錢食o者，如果唔係就會好肉痛！而雪糕方面當然係ichiban啦，朱古力味好濃而且好滑，好有口感，食到停唔到呀！食完o野當然就係準備�堐掠捸I