Make your own free website on Tripod.com

2002日本之旅

2002527日 (星期一) 陰天、雨天 巢鴨 > 東京迪士尼 > 巢鴨


巢鴨 > 山手線至東京站再轉JR京葉線至舞濱站(380 Yen) > 東京迪士尼樂園(步行約5分鐘)

今日又係玩o既日子,其實天氣唔係咁好,朝早落雨,我o地都唔知去唔去迪士尼好,但到9:00左右雨開始細,我o地就決定去,費事改行程,所以大約9:00左右出門口去迪士尼,差唔多10:00先到,今之我o地係去舊迪士尼,雖然我已經去過,但我男朋友未去過,況且上次o黎都係玩唔晒o的遊戲,加上好多人都話新o既海洋迪士尼冇咁好玩,所以費事同人迫,都係下之先再去。東京迪士尼我係比較欣賞,因為各工作人員都好有禮貌,好投入工作,好似同你一齊玩咁,四週充滿歡樂。入到園內,其實今日唔係好多人,我o地就去未來樂園Space Mountain o羅o左張fast pass,之後就去玩Microadventurestar tour,再返去玩space mountain,跟住我o地都係主攻fast pass o既遊戲,所以用好短時間就玩晒巨雷山、木筏、Splash Mountain,食完lunch之後就玩埋西部沿河鐵路、小小世界、小態維尼獵蜜記(排o左成個鐘,但好正!)、兔仔羅傑卡通轉轉車、米奇同米妮屋、艾芝迷你雲霄飛車、大賽車場等等,比起上次玩o左好多遊戲,最後仲有時間再玩多次space mountain,仲有我o地1日之內食o左兩筒爆谷,一筒係小態維尼o既蜜糖味,另一筒係松鼠仔o既焦糖味,真係好好食o架!玩到差唔多7:00,我o地就去o左購買紀念品,然後8:30睇完煙花先走。

舞濱站 > JR京葉線至東京站再轉山手線至巢鴨站(380 Yen)

返到巢鴨當然係醫肚啦!我o地就去o左一間叫大戶屋o既店舖食飯,大戶屋環境舒適但價錢絕對抵,我o地喜歡食佢o的魚定食,份量多味道好,絕對抵食。食完飯之後我o地返o左民宿休息。