Make your own free website on Tripod.com

2002日本之旅

2002526日 (星期日) 晴天 、雨天 巢鴨 > 原宿 > 池袋 > 巢鴨


巢鴨 > 山手線至原宿(160 yen)

今日主要係係原宿,因為原宿係一個購物勝地,上次o黎日本時都用o左1日都未完全行完。今日係埜o最耐o既日,因為日日行程都好趕,為o左用盡個JR Pass去多o的地方。起身之後就係巢鴨地藏通商店街附近行,巢鴨真係好多老人家行。之後我o地係天丼一嘗日本天婦羅,呢間食店雖則唔係好貴,好似松屋一樣咁平民,但食物質素一流,真係好好食。食完飯之後就去原宿,去到原宿第一時間就去竹下通,之後就去o左行表參道,Kiddy Land等地方亦係必到熱點。沿表參道一直行,我o地又去o左青山行Tsumori Chisato 、 Comme des Garcon、Agnes b Voyage、RMK、Tsumori Chisato etc等等,實在太多太多好正o既店舖喇!行完青山,因為落雨o既原因,我o地就好快咁返去表參道,然後再轉去明治通到今日o既重點地─Burberry Blue Label旗艦店,我真係好鍾意Blue Label,但我從未係香港買過水貨,我必定會去日本時買o既。今期顏色唔多,不過今次就掃o左兩個袋,仲有一件今年夏季主打o既露肩衫,總之滿載而歸啦!行完Blue Label,雨勢越來越大,我o地就返原宿站明治通出口對面o既Snoopy Town行,內媞諞~非常多,鍾意snoopy o既朋友一定會大破慳囊!

原宿 > 山手線至池袋站(130 yen) > 山手線至巢鴨站(160 yen)

因為落雨,所以比較早行完原宿,見仲有少少時間剩就去行o下池袋地下街、東急同西武百貨,買o下手巾仔,手巾仔真係好平,Burberry都係1,000yen,DKNY、CK都係500 yen,所以我每o黎日本都會去入貨,然後就落去超市諗住買河豚,點知要關門,所以買唔到,唯有聽日先再買啦!返到巢鴨,我o地就去o左松屋食飯,松屋跟香港吉野家差唔多,吉野家主攻牛肉飯,但松屋就比較多元化,松屋價錢便宜,絕對夠飽,一個非牛肉定食都係550580 yen,有湯、有主菜、有飯、有沙律,有一定份量,而且係好味o既。食完之後就去西友百貸o既超市買長腳蟹返民宿食,非常鮮甜都只係9801,108 yen一份。