2002日本之旅

期待已久o既日本之旅終於出發喇，闊別3年，o個種興奮o既心情真係非筆墨所能形容，唔知日本變成點呢？

大約12:30，我o地就搭巴士去機場，check in之後就入閘行o下，到o左2:30左右便準備登上ANA班機，日本之旅正式展開。係機上，我o地品嘗o左一餐好好味o既飛機餐，仲有oishi o既芝士味布丁(之後我係日本都搵唔到呀！好掛念呀！)

去到日本，出閘o既時候都差唔多8:30，跟住我o地就一枝箭咁飛去最低層，到達JR Ticket Centre換JR Pass，跟住順便預定晒所有o既新幹線同夜車o既飛，好在之前聽各位網友講係香港寫好晒o的指定席o既預定券，去到一大堆紙俾位小組，不過都要一段時間，o個位小姐仲要封o左佢個counter剩係幫我o地，不過都有o的意外，就係我o地揀o左兩班去大阪o既車都冇晒位，好在個小姐都識講英文又好人，佢俾o左幾班車o既時間我o地揀，到最後原本諗住搭8:00a.m.車，唯有改去9:25a.m.，都好過冇(不過奉勸各位，係香港一定要填定o的form，去到機場立即換pass同訂位，因為有好多時好o既時間都冇位o架，因為好多時o的日本人都會搭早車去返工或者公幹見客等，另外到時先睇時間會浪費好多時間，而日本時間表都幾難睇，我睇o左好幾日先至明)。

成田機場Terminal 2 > 京成電鐵至日墓里(1,000 Yen) > 山手線至新宿(190 Yen)

經過一輪辛苦訂位活動後，我o地又趕去搭京成電鐵(Keisei Line)，因為都9:00幾，買完飛之後就落去等9:30p.m.車去日墓里再轉去新宿，因為以前o黎過，所以都知道搭京成電鐵好抵，只係1,000yen，而且都係75分鐘而已。到o左日墓里之後就去搭山手線去新宿(190yen)，去到新宿之後都11:00幾，非常�リS落雨，所以都係選擇搭的士去新宿Vintage，上到的士,我俾個名同地址個司機(我已經好聰明譯o左酒店o既日文名)，司機都唔知，要打電話問人，中途我o地又發覺之前個客漏o左個手提電話，佢打o黎我o地又唔識講日文，唯有俾司機聽，司機見我o地俾個電話佢都唔知乜o野事，我唯有寫漢字再做埋手勢佢先明，我o地又用盡九狗牛二虎之力，講到氣咳，真係好好笑，之後個司機停o左車同佢講，但係我o地見到個錶不停跳，我o地不知幾心急，心諗第一日就破財，不過見個司機咁好人又熱心都算啦！兜兜轉轉之後終於都到酒店，埋單要1,140yen，比起人o地話700yen貴o左好多，個司機仲不停同我o地講唔好意思，不過都冇辦法啦！此時，已經係接近12點，check in之後立刻上房，發覺間房超細間，好個自己香港間房小小o乍，又開唔到�琚A只可以係床上面開，勁失望，不過算啦，係package包埋，所以沖完涼就立刻o訓覺，雖然個房五臟俱全，唯一欣賞係個廁所有清洗功能，但係我發誓以後都唔會再住。